Worcester - De la Bat

Tot Siens: Ds. Daan

2010-10-01T00:21:00.000+02:00

Ds. Daan van Wyk was ons gemeente se dominee van Februarie 2008.
Ds. Daan het bedank as leraar met ingang 1 September, en gaan voortaan by sy broer se maatskappy op Stellenbosch werk as Bemarker.
Ons wens Daan en sy Gesin 'n voorspoedige nuwe beroep toe!

Ons gemeente is van plan om spoedig 'n nuwe leraar te beroep. Intussen hanteer Di. Elsabe, Jan en Mia die dag tot dag bestuur van die gemeenteprogram.

Elsabe Bevestiging 1 Aug

2010-08-11T14:33:00.001+02:00

Eerste Dowe Leraar in NG Kerk!

2010-08-11T12:55:00.001+02:00

Geskiedenis!

2010-08-11T12:51:00.002+02:00

Geskiedenis is gemaak op 1 Augustus, toe die Eerste Dowe Leraar van die NG Kerk bevestig is by die NG Gemeente Worcester De la Bat. Vir Elsabé Döman is dit die hoogtepunt in 'n lang reis. Sy het in ...... klaargemaak by De La Batskool, daarna o.a. 'n Videowinkel besit. Na haar bekering, het daar in haar 'n passie gegroei om Dowes te help. Om 'n Dominee te word, was egter nie naastenby binne haar horison nie. Teologiese Kweekskole is nie toeganklik vir Dowes nie. Tog doen het Here 'n soewereine wonderwerk, en in 2006 word DCMA (Deaf Christian Ministry Africa) by die Nasionale Instituut vir Dowes geopen. Dit het egter 'n duidelike Roepingservaring een Sondagoggend in De la Batgemeente gekos voordat sy besef het dat die Here haar vir die bediening roep. Sy skryf in by DCMA, verwerf in 2009 'n vierjaar Gevorderde Diploma in Bybelse Bediening van Veritas Internasionaal, en word, saam met haar klasmaat, Anthony Salie die eerste Dowe gelegitimeerdes in die NG Kerk.

Met haar bevestiging is daar trane op amper elke Dowe gesig. "Pinksterdag het aangebreek vir Dowes, want nou kan ons die Evangelie in ons eie taal sien!" Haar kollegas is net so opgewonde: "Ons staan aan die begin van 'n heel nuwe Era, dié van die Dowe Pastor ", sê Ds. Daan van Wyk "Doof-tot-Doof bediening is soveel meer effektief as Horend-Dowe Bediening soos tot nou, en Elsabé het die ongelooflikste gawe om met kinders te werk. Sy maak my groen van jaloesie!" voeg hy skertsend by. "Die mense wat sê dat God niemand voortrek nie, was nog duidelik nie in Dowe bediening nie", Sê ds. Mia Lintvelt, een van haar dosente by DCMA. "Wanneer daar Dowes betrokke is, sien ons God se wonderwerke duidelik."
Op die foto is Elsabé besig om die gemeente te lei in Gebaresang: "Jesus Lewe, Loof en Juig!" Saam met haar jubel die hele Dowe wêreld!

Biddag vir die Ekologie 6 Junie 2010

2010-06-06T09:32:00.000+02:00

Toe God die mens gemaak het, het Hy vir ons 'n opdrag gegee :
"Julle moet baie kinders kry en die aarde vol mense maak. Julle moet hoof wees oor die aarde en julle moet regeer oor die visse in die see, oor die voels in die lug en oor al die diere wat op die aarde beweeg."
Genesis 1:28
Die mens het die eerste deel van die opdrag baie goed gedoen: Die aarde is nou oorvol mense.
Maar die tweede deel: Om die aarde op te pas - dit het die mens nie goed gedoen nie. Ons is hoof van die aarde, en dit beteken dat ons die aarde moet versorg. Maar ons mors dit vuil, maak dit vol gif, roei plante en diere uit. Dit lyk my partykeer mense het verkeerd verstaan: Hulle probeer die aarde uitroei, eerder as oppas!
Kom ons maak saam 'n verskil: Hier is 4 maklike maniere:

Spaar: Water, krag, petrol
Herwin: Papier, glas, plastiek
Minder weggooidoeke vir ons babas
Gebruik weer en weer, en gebruik langer.

Kom ons geniet die pragtige Natuur wat God ons gegee het!
Kom ons sorg daarvoor - elkeen van ons maak 'n verskil!

Nog fotos van die Doop

2010-06-02T15:05:00.000+02:00

Die water lyk nie verniet so fris en skoon nie: Daar was nog sneeu op die Bolandse berge ! Dit was vriesend - verfrissend!

Ons eerste doop met baie water!

2010-06-02T15:03:00.000+02:00

Op Sondag 30 Mei het ons ons eerste 5 Dopelinge met baie water gedoop. Hierdie vyf pragtige kinders van die Here is gedoop nadat hulle hulle geloof in die Erediens bely het. Op die Foto is van links na regs: Lucky, Siyanda, Thobeka, Naledi en Sindisa. Heel regs staan Pumi Jemane, Finalejaar student van DCMA, en hulel geestelike Vader. Ds. Daan staan agter die groep. Bid asseblief vir hulle !

Sat. 22 Mei 2010: Deafsa Forum

2010-05-27T13:39:00.001+02:00

Mauritz en Ds. Daan woon vandag Deafsa Forum by in die Kaap saam met 19 Dowe Studente, en Ds. Anthony kom saam met 20 Dowe leerders van Nuwe Hoop Sentrum.
Dowes word ingelig oor die proses rondom ongeliktheidstoelaes, dienste wat Deafsa bied, en ook Dept. Maatskaplike Ontwikkeling. Na die tyd neem ons die studente vir 'n lekker uitstappie na Leeukop en Kampsbaai. Die meeste van hulle het nognie die Kaap gesien nie. Wat 'n voorreg om ook as gemeente hierby betrokke te wees om ons Jong Dowes te bemagtig! Dankie dat U ons hierin bystaan.

Gospel Repentance

2010-05-19T10:26:00.002+02:00

I Found this on the blog of "Provocative Church": A Quote from Timothy Keller's "Church Planter Manual":

“Legalistic remorse says, ‘I broke God’s rules,’ while real repentance says, ‘I broke God’s heart.’ Legalistic repentance takes sin to Mt. Sinai, gospel repentance to Mt. Calvary. Legalistic repentance is convicted by punishment, gospel repentance becomes convicted by mercy.”

Made me realize The BEAUTY of the Gospel of Jesus Christ.
Yes! When the Holy Spirit touches our lives we are immediately filled with guilt, remorse and sadness for all the sin we have done. When we look upon God's Holiness, we cannot help to cry Out like Isaiah: Woe to me!
NOT BECAUSE WE ARE AFRAID OF PUNISHMENT, BUT BECAUSE WE REALIZE HOW WE BROKE OUR LOVING FATHER'S HEART BY WHAT WE DID.
The motive is Love.

Nuwe Hoop Volwassse Dowes bymekaar... Die begin van Groot dinge?

2010-04-21T09:27:00.000+02:00

Basaar-nagevolge...

2010-04-21T09:18:00.000+02:00

Basaar 2010

2010-03-05T18:03:00.004+02:00

Baie dankie vir almal wat so mooi saamgewerk het om hierdie basaar 'n reuse sukses te maak!

Halleluja!

2010-03-05T17:46:00.000+02:00

Die Basaaropbrengs tot op datum is R 90 145. Die ooreenkoms was dat as die basaarinkomste meer is as R 90 000 in die week na die Basaar, Ds. Daan sy hare groen sal kleur. Indien dit meer is as R 100 000, sou hy op die Kerk se dak slaap vir een nag.
Kyk hoe mooi lyk hy met sy mooi groen hare!

Loof die Here vir Sy groot weldade!
Loof Hom vir Sy groot genade!
Hy sorg altyd vir ons.
Hy bly altyd getrou.
Loof Hom Oral
Loof Hom altyd.

Dowe Basaar 2010 !

2010-01-31T00:13:00.005+02:00

Week van Gebed 2010

2010-01-20T06:30:00.002+02:00

Hierdie week fokus ons op Psalm 145.

Ons vra onsself af: Wie is God?

Ons ontdek:

-Hy tel mense wat val, weer op.

-Hy Is Naby

-Hy sorg - vir almal wat Hy gemaak het!

-Hy Is Groot en Goed!

Kom Loof die Here saam vir Sy Wonderdade!

Water en Wyn Sondag 16 Jan 2010

2010-01-16T15:41:00.018+02:00

Joh 2:1-11

Jesus verander water in wyn by die troue in Kana.

Lees weer die gedeelte, en kyk mooi:

1. Jesus wil nie die wonderwerk doen nie. Die tyd is nog nie reg nie. Maar Maria laat haar nie afsit nie. Sy sê vir die kelners: "Doen wat Hy sê". En Jesus doen die wonderwerk. Het jy opgelet dat mense se geloofsverwagting selfs God se planne kan verander? Bid met nuwe ywer! Die gebed van 'n gelowige het groot krag! Jesus luister na jou.

2. Jesus doen Sy wonderwerk stilweg. Min mense sien wat gebeur. Hy gee die opdrag, en dit gebeur. Geen aankondigings, of Towerformules wat gesê word, of goedjies wat in die water gegooi word nie. Hy gee die opdrag, die mense doen dit, en die water is wyn. Wanneer het dit gebeur? Hoe het dit gebeur? Weet nie. Dit het net gebeur. God is vandag nog besig om wonderwerke rondom ons te doen. Meestal sien ons dit nie eens nie. Kyk mooi: Laat God jou verras!

3. Toe die bruidegom se planne deurmekaar raak, en sy geld opraak, is God daar om te help. Onthou dit. Jesus is 'n hulproep ver. Vra maar en vertrou.

4. Jesus verander nie water in rooikoeldrank nie. Hy verander dit in wyn. En Sy eerste wonderwerk is nie by 'n begrafnis nie, maar by 'n troue! onthou wat Hy gesê het: Ek het gekom dat julle die lewe kan hê, en dit in oorvloed! Heilig beteken nie depressief nie. Heilig beteken om alles wat mooi is, te geniet. Alles te eet wat God vir jou voorsit. En God daarvoor te dank! Heilig beteken om die LEWE te lewe, tot eer van God!

5. Het jy opgemerk daar is BAIE wyn gemaak? Meer as wat hulle kon drink? En dit ook GOEIE wyn? God is nie suinig nie. Hoekom is ons dan so suinig? Hoekom probeer ons altyd wegkom met so min moontlik gee? en verder: Hoekom verwag ons dan so min van Hom?

Here, Help my om nie so suinig te wees met die LEWE nie!
AMEN

Sondag 10 Jan

2010-01-11T13:32:00.002+02:00

Dawid se Broer sê vir hom: Jy is parmantig! Gaan huistoe!

Die Koning sê vir Dawid: Jy kan nie, jy is te jonk! Te min Ervaring!

Goliat sê vir Dawid: Ek gaan jou vleis vir die voels en die Wilde diere voer!

Dawid sê:

Ek kom omdat God my gestuur het: God wat oor alles regeer!

Maak soos Dawid:

1. Fokus op God

2. Kies na wie jy luister

3. Onthou jou Roeping

NID Opening: 11 Jan 2010

2010-01-11T13:23:00.002+02:00

NID Openingsgedagte vir 2010:
Jou verantwoordelikheid is soos die vrag op jou kruiwa. Jy kan nie verwag die kruiwa sal homself stoot nie!
As jy jou kruiwa neersit, dan staan hy ! Hy gaan homself nie verder stoot nie.
"If you want God to lead your ways, you have to be willing to move your feet!"

Ietsie van Dr. Hough

2010-01-11T13:18:00.002+02:00

3 Desember was Internasionale Dag vir Gestremdes

2010-01-01T23:43:00.002+02:00

Onthou dat ons baie Multi - Gestremdes in ons gemeente het!

DoofBlindes, Rolstoelgebruikers, Verstandelik Gestremdes, Mense met Geestesgesondheid - uitdagings. Kom ons sterkeres help die laste dra van hulle wat swaar het.

Moenie ophou om vir hulle te bid en vir hulle liefde te gee nie!

'n Lig vir die Nasies!

2010-01-01T23:18:00.000+02:00

Vervoer Kerk toe

2009-11-08T08:18:00.002+02:00

Het u geweet?
Die Gemeente se bussie tel mense gratis op vir Kerk vir De la Bat of Nuwe Hoopse eredienste.
SMS ds. Daan 0835130558 om reëlings te tref.

Loslitdag vir Jesus

2009-11-07T22:52:00.001+02:00

Op Vrydag 13 November is dit Loslitdag vir Jesus. Trek 'n wit T - Hemp en Jeans aan werk toe om te wys dat Jesus jou Here is!

Huidige Reeks: Ten Commandments

2009-11-07T22:45:00.005+02:00

- Myspace Layouts,Graphics, and Comments!

Hierdie Week:

(Jy mag nie steel nie)

Kaapstad, hier kom ons!

2009-11-07T22:11:00.002+02:00

Heaya! Ons werkende Jongmense gaan Kaap toe met die Trein!
Saterdag 14 November klim ons die trein om 05h00 in Worcester, ry Kaap toe en dan al met die Kus langs tot in Simonstad. Lekkerrrr kuier ! kontak ds. Daan as jy wil saamry!

Ps 36:6

2009-10-04T06:35:00.000+02:00

Here, U doen wat U belowe het,
U doen dit ook op die aarde en in die hemel,
U bly dieselfde, hier en ook tussen die wolke

Lorna by die Paintball

2009-07-26T20:20:00.002+02:00

Nog fotos van Paintball

2009-07-26T20:14:00.002+02:00

Dowe Domineesvroue en Vroue van Teologiese Studente hou kamp

2009-07-01T21:44:00.006+02:00

Die vroue van die Dowe Teologiese Studente en die vroue van die Leraars vir Dowes het 13-15 Junie in Stilbaai gaan kamp.
Ons verneem dat die vrouens NIKS van hulle mans geskinder het nie, maar mekaar baie mooi ondersteun het. Baie dankie aan dr. Hough van Bellville wat die kamp gereel het, en Ds. en Mev. Viljoen wat hulle in Stilbaai ontvang het.

Plaaskuier vir Dowe Jongmanne

2009-07-01T21:30:00.004+02:00

Ds. Daan het 'n klompie van sy belydenisklas - manne saamgevat plaas toe vir die langnaweek 13-15 Mei 2009. Ons het skaap bymekaargemaak, lammers gemerk, stertjies gebraai en gejag. (En baie poel gespeel !) Sommige van ons het ons harte en ons ore verloor ! (Private Grappie)

Die Here het Sy Natuur darem wonderlik gemaak! Dankie Here vir die voorreg om dit te mag beleef!

EAPC Paintball 20 Junie 09

2009-07-01T21:26:00.002+02:00

Op 20 Junie het ons saam met die Werkende Jongmense van Bellville Paintball gespeel. Sjoe ! Dit was lekker !
Ek het nou nog (10 dae later) 'n blou kol op my boud !
Baie dankie vir almal wat kom saamspeel het, veral ons Bellville boeties en sussies.
Julle is Great!
Ps. het iemand nie dalk 'n foto van die dikbek - dominee nie?

Grand West Ysskkaats 28 Maart

2009-04-02T17:29:00.012+02:00

Quotemeal: "Faith makes it possible, ..."

2009-04-01T17:58:00.000+02:00

-/\/\-----------------------------------------------------------------
\ / QUOTEMEAL from HEARTLIGHT -- http://www.heartlight.org/
--\/------------------------------------------------------------------

Faith makes it possible, not easy.

-- Sally Nguyen

Fotos van Belydenisklaskamp 20-22 Maart 2009

2009-03-27T00:12:00.001+02:00

"God will make a way"

2009-03-19T12:43:00.003+02:00

Die Israeliete was vasgekeer. Die Egiptiese weermag was vinnig van agter besig om hulle in te haal en hulle dood te maak. Voor hulle het die Rooisee gelê. Wat nou gemaak?
Jahweh (God die Vader se Ou Hebreeuse Naam) sê vir Moses: Neem jou stok, en slaan op die water. En die water van die Rooisee gaan oop. Die Israeliete kan droogvoets deur die see stap.
Maar toe dei Egiptenare agternakom, val die water weer terug, en die hele weermag verdrink.

Ek en jy kan weet: Soos wat Jahweh vir die Israeliete 'n pad deur die Rooisee gemaak het, so kan Hy ook vir ons 'n oplossing gee vir ons probleme vandag. Ons probleme lyk vir ons groot. Maar God maak maklik 'n plan.
Vertrou op Hom. Hy sal vir jou 'n verrassende uitkoms gee vandag.
(Ps. Die prentjie hierbo van die Internet afgehaal - hoop nie ek het iemand se kopiereg hierdeur deurmekaar gekrap nie!)

Outydse Pasga - ete

2009-03-16T14:13:00.001+02:00

Op Vrydag 3 April het ons 'n Pasga -ete gehou, soos Jesus met Sy dissipels gedoen het. Ons was 33 mense, amper almal in Bybelse Klere, en het die Voorportaal van die Kerk opgetooi met palmtakke en die tafels met bont lappe om ons te herinner aan Palmsondag net daarna. Dit was 'n ongelooflike ervaring !
Ek self het nie geweet hoe baie van die momente van die Pasga is opgeneem in die Nagmaal nie, en hoe die Pasga op so 'n ongelooflike manier vooruitwys na Jesus nie!
Baie dankie aan almal wat gekom het, en ook vir almal wat help voorberei het. Baie spesiale dankie aan Gregory Hoy wat help opruim het.

Opening Shalom Nuwetehuis

2009-03-14T17:20:00.004+02:00

Op Vrydag 13 Maart het ons die geweldige voorreg gehad om die nuwe Shalom Nuwetehuis (hoe kan ons dan sê dis 'n ouetehuis as dit so pragtig nuut is?) se Opening te beleef.

Ja, dis regtig 'n droom wat waar geword het !

Hier knip mev. Luttig die lint.

Basaar 28 Feb 2009

2009-03-14T16:53:00.006+02:00

Kyk net hoeveel pret !

Tannie Marie, Wat vir ons die Boereontbyt gemaak het, ontspan met 'n lekker koppie koffie, tevrede oor die sukses.

Die Uitdaging van hierdie basaar is: R 110 000, dan raak Ds. Daan se hare enige kleur wat die gemeente lus is! Ons trek nou al amper by R 90 000. Hoe lyk dit? Wie gaan help dat ons kyk of ons sy hare Groen kan maak?

Program vir die res van Maart

2009-02-19T21:27:00.005+02:00

15 So Oggend en Aand Ds. Daan preek
20-22 Belydenisklaskamp
22 So Net Oggenddiens. Ds. Daan preek
25 Wo DCSA Bybelstudie
28 Sa Werkende Jongmense Ysskaats Grand West

29 So Ruil met Nuwe Hoop: Tony Salie preek
29 So aand: 18h30 KRUISTOG

Bejaarde Ete

2008-11-12T12:24:00.007+02:00

Op 8 November 2008 het die Sosiale Kommissie 'n heerlike ete voorberei vir ons senior burgers. Die vrouens het 'n pragtige kleurvolle bord kos voorgesit. Maar daar was nie net kos vir die maag nie - ook kos vir die Gees! Die Werkende Jongmense het daarvoor gesorg. Niel Laufs het met die Snior burgers gepraat uit die Bybel, en Marilese, Enoch, Riaan, Colene en Lorna het die groep vermaak met goeie toneelspel. Dit was uitnemend, en die Senior burgers het vol dank vir die lekker kuier huistoe gegaan.

Baie dankie aan almal betrokke!

DCSA Kamp

2008-11-12T11:25:00.011+02:00

Op 7 - 8 November het Ds. Daan, Natale Roelofse, Edward, Jean-Louis en Jannie van Belkum saam met die DCSA mans gaan kamp in die Nuyvallei. Dit was 'n onvergeetlike ervaring ! Die manne is deur die bus by dei plaasopstal afgelaai, en moes daarvandaan stap tot by die kampplek. Ds. Daan se Trooper het die tente gebring. Ons is oor BAIE riviere, en 'n paar het taamlik nat anderkant uitgekom! Baie dankie aan Jannie vir sy Puik reëlings! Dit was wonderlik om God se Skepping op hierdie manier te kon beleef.

Man, that was an adventure!

Thanks Guys!

(And Thank You GOD for the Beautiful Nuy Valley!)

Werkende Jongmense Kamp

2008-11-12T10:54:00.002+02:00

...Ek weet nie of Waterval Kampterrein ooit weer dieselfde sal wees nadat hierdie klomp jongmense daar was nie!

Op ons kamp is lekker gesels, gespeel, geswem en geëet. Tussendeur het ons vriendskap met die Bellville - groep versterk, en ook ons verhouding met God opgeknap. Riaan het die Sport en Ontspanning hanteer op 'n hoogs professionele manier, en Ds. Rocco het vir die Geestelike Leiding gesorg. Ds. Daan het gesorg dat almal se magies vol is, en Liewe Jesus het gesorg vir die mooiste Waterval wat jy in jou lewe nog gesien het! Kyk by fotos hier onder die mooiste preekstoel ooit, toe Ds. Daan Sondagoggend se Erediens daar by die Waterval gehou het.

Volgende jaar is dit weer Belville se beurt om die Jeugkamp te reël.

Werkende Jongmense Kamp Sondag se Buitelug - Erediens

2008-11-12T10:53:00.005+02:00

Ps 49:8

2008-10-31T06:39:00.005+02:00

http://noaontmoet.web-log.nl/

Een mens kan nie 'n ander mens loskoop van die dood nie, glad nie, hy kan nie vir God betaal om die persoon vry te maak nie. Om te betaal vir sy lewe sal te veel kos.

DVD's

2008-10-11T18:53:00.002+02:00

Ons maak DVD's van ons Eredienste en Jeugdienste. Die kwaliteit is nie proffessioneel nie, maar die doel is om dit vir Dowes wat nie naby 'n Dowe gemeente is nie, te bemoedig.
Bestel by Ds. Daan of Skriba. Koste R 20 plus posgeld. Inhoud: Gewoonlik 4 of 5 preke.